Autor: marathonis@lauf-alter-lauf.de

Die ledschde Woche war mas zum Laafe monschmol zu scheißkald. Un ah sunscht is es kald neugloffe.

Isch habs ned klawwe wolle, dass Klamodde beim Laafe wischdisch sinn.

Als isch mol frieh morgens raus bin uff die Pisde, un mar de Arsch abgfrore hab, hab isch ma gsacht: Heuner was soll der Geiz, geh zum Engelhorn un hol da des moderne Zeig fär de winder.

Isch war donn a dort un hab alles ahgeguckt, un ahprobiert. So ähn Jungspund hod mar die Ohre vollgebloße was fär dolle Fasern und Stoffe do iwweral drin sin. Als isch awwer donn die Preise gsehe hab hod misch doch widder moin Geiz gepackt.

OK, isch gebs jo zu. Isch hab ma donn a paar Hosse un so äh Winderlaufjack bei Tschibo beschtellt.

Seidher nix mähr mid Aschabfriere. Des laaft jedzd wies Lottsche.

Fast zu gud, denn uff ähmol, wenn isch Gas gewwe hab, hod sisch moi Pump, also moi Herz gemeldt.

De Baumann mähnt dozu, es wär grad fär Ohfänger kä schleschdi Idee mit so nehr Pulsuhr zu laafe.

Die hab isch ma ah im Nedz beschtelld un heid is se kumme. Mol sehe ob des flutscht.

Also beim Stammdisch hod sisch grad ähn dotaler Wandel vollzoge. Am Ofang hawwe se misch versuchd zu verarsche un zu verhohnepipeln, in der Ard: „De Alde un die Aschenbahn“ oder „ Do kummdah, de Kenianer vun Sandhoffe“.

Awwer jedzd sinns pletzlisch alles Experde un isch konn misch vor schlaue Radschläg nimmer redde.

Ledscht hawwe se äh halwie Stund iwwer moi Zielzeid dischputiert.

So vun 2 Stund bis 3 Stund war alles debei.

Isch hab donn des gonze Gefasel vun denne mit ähm schlaue Schpruch abgschlosse: Nicht die Zeit ist mein Problem, sondern die Strecke!!

Immer im Jonuahr kummt bei mir so ähn blues. Des liegt wahrscheinlich a droh, dass isch do immer uff de Friedhof muss. Johr fär Johr. Erscht de Helle, donn de Wolfy, letschdes Johr de Fritz un jedzd de Kortsche.

Alles Kumpel vun frieher. Mid dem Kortsche war isch uff de Schul un mir hawwe zusamme bei de Eiche gerunge.

Jo, isch war do ned long dabei, weil die hawwe mit mir bloß die Matt ausgekloppt.

Isch wes ned wies eisch geht, awwer so äh Beerdischung zieht misch granademäßisch runner. Die ware alle so plus minus in moim Alder.

Wisst`er wie isch mähn. Do denkt ma doch ah, wer isn de nächschde.

Vielleicht schun isch, der de Leffel abgewe muss.

Uff ähm Kalenderblad, so hinne druf, war a Gedischt vun der Ricarda Huch „Der Fliegende Tod“. Also der Sensemann is do iwwers Land gfloge un hod sisch soi näckschtes Opfer gsucht. Des hod der donn gfunne un am Schlawitsche gepackt, als er donn schunn soi Hond um dem soi Gurgel gelegt hod, is der donn irgendwie nochmal aus dem Würgegriff rauskumme,un de Tod is weitergfloge.

Des Gedischt hods bei mir getroffe. So gings ma als isch bei der Beerdischung vum Kortsche in de Trauerhall gsesse bin.

Eier Marathon-Heuner

Das Drumherum war schon elektrisierend. Eine prickelnde und aufgeladene Atmosphäre. Ich hab da gleich gespürt, da liegt was in der Luft.

Ich hab mich kurzfristig gegen Schifferstadt entschieden, denn die Strecke dort führt fast nur durch Wald, was ich sonst ja jedem empfehle, aber dort waren keine Zuschauer an der Strecke zu erwarten….

In Heddesheim geht es zwei mal um den See. Mit Start und Ziel kommt man also 4 mal an den Zuschauern vorbei, und da waren richtig viele, und da kreuzen sich auch Straßen.

In Schifferstadt geht’s mit ner Stadionrunde ins Ziel und es gibt keine magische Kreuzung!!

Ich finde es immer lustig wenn sich die „Profis“ an der Startlinie aufstellen und jeder versucht ganz vorne zu stehen und da so ein Gerangel entsteht. Ich bin ganz ans Ende und da spürt man gleich, hier geht’s nicht um Bestzeiten oder Platzierungen.

Mit anderen Laufen weils Spass macht und Körper und Seele etwas

Gutes tun!! So gings los.

Gleich beim Start bin ich an einem Typ vorbei der hatte so ein verträumtes Lächeln aufgesetzt und hat jedem zugewunken und jeden angefeuert.

Als ich dann wieder vorbeikam, hab ich zurück gewunken.

Beim dritten Mal habe ich schon auf die lustige Anfeuerung gewartet und beim Zieleinlauf wars als seien wir schon alte Bekannte.

Am Kuchenbüfett hat er mich angesprochen. OK, Leute nicht ich habe ihn angesprochen, sondern er mich. Um das klarzustellen.

Er läuft schon seit vielen Jahren an Silvester in Heddesheim. Er habe es aber gerade am Knie und komme eben aus Tradition.

Diesmal halt nur zum anfeuern.

Das war so ein lockerer, unkomplizierter Typ, und gar nicht aufdringlich.

Echt, Frau fragt sich natürlich gleich, wie es sein kann, dass so ein

Mann noch frei rumläuft.

Wir haben dann Mail-Adressen getauscht und hin und her geschrieben. Jetzt habe ich mich mit Frederico vom Rennsteig,

da sein Knie wieder so einigermaßen ok ist, zum Laufen verabredet………

Die Genussläuferin

Die Joggerkomödie

Wir kommen wieder zu Euch in Eure Stadtteile und werden unsere Joggerkomödie aufführen.

Nachdem wir die Glückseligkeit gesucht und gefunden haben suchen wir neue Herausforderungen, denn wir wollen Euch ein völlig überarbeitetes Programm anbieten.

Wir haben uns ein neues Motto gegeben:

Schlimmer geht immer.

Wir suchen das Außergewöhnliche und das Extreme an diesem tollen Laufsport. Wir werden keine Kosten und Mühen scheuen um Euch an den grassesten Events teilnehmen zu lassen.

Sei es der Treppenlauf in New York, die 100 km von Biel oder dem Rennsteiglauf, wir sind in ( fast ) jedem „runners heaven“ dabei.

Ob beim Nacktlauf in Finnland oder beim Nikolauslauf in St.Pauli. Wir lassen nix aus, um Euch mit unserem neuen Theaterabend aufs trefflichste zu unterhalten.

Wir wollen Rückwärts- und Barfußläufer bei ihren Obsessionen begleiten und wir sammeln Tipps und Ratschläge für Ruch, wie ihr mit Hilfe unsere Pharmafreunde das Beste aus sich rausholen könnt, und doch noch was von Euch übrig bleibt. Oder ward ihr schon mal bei einem dieser Gourmeläufe ? Köstlich schlemmen und die Kalorien gleich wieder verbrennen.

Der Weg zu all diesen Events ist weit und mühsam. Daher wissen wir noch nicht, ob wir schon im kommenden Sommer mit dem neuen Programm auf der Bühne stehen. Aber auf jeden Fall im Sommer 2020. Versprochen.

Jeder der eine gute Laufstory auf Lager hat kann sich hier einbringen!

Kontakt per Mail: pkpitscher@gmx.de.

Peter

Awwer sowas vun schief, dass ma sache mist schiefer als schief.

Schunn die Plonung is schiefgonge. Eigentlisch hawwe ma uns fär Schifferstadt entschiede, weil ma do 5 odder 10 Kilomeder laafe konn.

Erscht hod euern Peder abgsacht, er hätts im Kreitz. Dann meld sisch die Genussläuferin, und mähnt in Schifferstadt ded ma jo fascht blos im Wald laafe, do gäbs kä Zuschauer un a kä Kreuzungä!?

Sie ded jetzt nach Heddese gehe, weil sie will erscht gar ned in Versuchung kumme, irgendwas mit ähm Schobbepetzer ohzufange.

Isch hab ma donn gsacht, Heuner, ma muss ned alles verstehe in de Weld.

Awwer ähns is klar wie Klosbrie, die hod was on dä Spritz, odder die tickt ned rischtisch. Die hod ähn Sprung in de Schissel.

Mid der mach isch nix mehr!

Allah gud, isch bin donn, schun widderwillisch ällä do hi, un hab misch, weil isch schunn kän Bock mehr uff 10 Kilomeder kabt hab, was ma vorghabt hawwe, halt fär die 5 km ohgemeldt. Isch bin donn on die Kuchebar – subber geil: es gibt Donauwelle.

Gonz korz for 14.15 Uhr bin isch on de stard gschlappt, denn isch wolld ned schun widder rumeiern misse, wenn misch ähner frogt, was fär ä zeid isch heid laafe will. Isch bin ganz ans end vun de Läufer un hab zu ma gsagt: Heuner heid geschts gemiedlisch oh.

So bei Kilomeder 2 kam äh Abzweigung. Links de 5er, un grad aus de 10er. 

Weit un breit känher mehr zu sehe, un isch bin links abgeboge.

Isch hab donn äh bissl Gas gewä, weil isch jo ah ned ledschder wärre wold.

Awwer verflixt nochmol kän Läufer un, ah kä Läuferin war mehr zu sehe.

Un ah on de Streck total tote Hose.

Als ma schunn vunn weidem des Stadion gsehe, uns Ziel hod riesche känne, war do äh Grupp Spasszuschauer, Schoppegläser in de Hond und ähner vun dänne hod schunn vun weidem gekriesche: He do kummd de ledschde Mohikoner, mach zu Alder, die onnere sinn schunn seit när ¼ Stund durch, du schaffst des. Un die onnere hawwe in des gejohle eugstimmt.

Wie vum Blitz getroffe is mas donn kumme. 14.15 Uhr war jo de Stard fär de 10 er. Weil ma denn laafe wollde hab isch mär nur die Zeit gemerkt.

Uff ähn schlag war mer klar warum isch niemand mehr gsehe hab, de 5 er war schun längscht dursch.

So ähn Zieleulauf geb isch ma ned!!! Peunlisch hoch 3.

Also abhoge, oder wie mir als sage: abbutze und weider. Isch hab abgepuzd un bin zu moim Audo abgeboge.

Awwer es gibt jo noch die Donauwelle un äh legger Steag.

Pfeifedeckel, die Donauwelle war schun all, un es hod weder Steag noch Brodworscht gewwe. Schunn widder nur Bockworscht!!

Silveschderlauf 2018 – schief gonge.

Eier Marathon-Heuner

Das Ganze drumherum an Silvester mit Rückblick und Ausblick ist was für Tempobolzer, Medailienfanatiker oder Sekundenfetischisten. Also die, die nur Laufen um noch längere Strecken zu bewältigen, noch schneller Zeiten erzielen wollen oder ganz oben auf dem Treppchen stehen wollen.

Dabei blendet die Läufergemeinschaft völlig aus, um was es an Silvester tatsächlich geht.

Die Silvesternacht ist eine der zentralen Rauhnächte. Vom 24.12.bis 6.1 also in 12 Nächten, so der Volksglaube, treten die Naturgesetze außer Kraft.

Dies hat zur Folge das Dämonen und böse Geister auftreten und auftauchen könne.

Also muss man ganz arg aufpassen und die Dämonen vertreiben.

Da hat man sich früher allerlei Schabernack ausgedacht. Man hat die bösen Geister ausgeräuchert, oder mit Glocken vertrieben und, was heute noch nervt, mit Knallern und Böllern dem Besuch aus der Unterwelt eingeheizt.

Aber wir aufgeklärten Menschen wissen heute, dass das alles Gogolores ist, da es ja keine Dämonen gibt.

Die Grenzen zu den anderen Welten sind in diesen Nächten aber tatsächlich offen, so dass die Möglichkeit besteht dort hinein zu schauen und uns Tipps für die Zukunft, also fürs nächste Jahr zu holen.

An Silvester ist die beste Zeit für Wahrsagerei und Hellseherei. Übriggeblieben ist z.B. das Bleigiesen an Silvester, obwohl auch das aus der Mode gekommen ist.

Für unverheiratete Frauen besteht an Silvester die Möglichkeit den zukünftigen Mann zu sehen. Der steht an einer magischen Kreuzung. Man darf ihn aber nicht ansprechen.

Als unverheiratete laufe ich daher an Silvester, weil Laufen für mich schon allein magisch ist und ich halte an allen Kreuzungen, ganz besonders im Wald, intensiv Ausschau.

Gut ist, dass der Marathon-Heuner und der Peter mitlaufen, denn die dürfen ja den Zukünftigen ansprechen, weil das ist doch eine ziemlich lästige Einschränkung. Wie soll man denn, sonst mit dem Mann in Kontakt kommen?

Ich bin überzeugt diesmal klappt es!!

Die Genussläuferin

Alla hopp, mit däm Silveschterlauf wärts widder ernscht.

Vorgeschtern bin isch des erschte mol 13 km am Stick geloffe.

Uijuijui! Isch hab Muschkel gspiert vunn dännä ich näd gedacht hab, das isch die iwwerhaupt hab. Hauptsächlisch am Hinnere, vornähm ausgedrickt.

Awwer, isch bin ins griwwle kumme. Heuner hoscht da do ned zufiel uffgelade????

Gud, das isch des Buch vun dem Zahnpaschdadieter ( Anm. der Redaktion Dieter Baumann ) hab.

De Dieter mähnt, ma muss sisch realistische Ziele setze, also ma muss gonz ehrlisch zu sisch selwer soi, un ma soll des in 4 Schridde mache.

Also isch hab des gemachd un des iss dabei rauskumme:

1. Setzen Sie sich ein genaues Ziel:

Isch will am 7.4.2019 in Bärlin moin erschte Halbmarathon in moim Lewe laafe.

Genauer gehds ned, oder?

2. Fragen Sie sich , ob Sie dieses Ziel mit ihren Möglichkeiten erreichen können`:

Ja, isch glab schunn. Isch hab vorgeschtern 13 km gschafft, also fehle noch 8. Isch hab awwer noch 14 Woche Zeit zum träniehre.

Isch will ned Letschder wäre un isch hab in Bärlin 3 Stunne zeit. Also do driwwer naus gibt’s fär misch käh konkredes Zeitziel.

Des misst schunn mid dem Deufel zugehe, wenn isch des ned schaffe däd.

3. Ist das Ziel für Sie tatsächlich von großer Bedeutung?:

Un ob!!

Isch hab iwweral so groß moi Maul uffgerisse, dass isch jedzd nimmer kneife konn. Un beim Stommdisch kennt isch misch erscht rescht nimmer blicke losse. Die tun jo jedschd schunn iwwer misch herziehe und läschdere.

Awwer ehrlisch, mir iss des jedzd ah fär misch wischdisch worre.

Des klingt jedzd vielleischt groskotzisch, awwer des is jedzt moi Herausforderung.

4. Fragen Sie sich ob Sie bereit sind, das nötige Training zu absolvieren?

Jawohl des bin isch. Isch hab ma ähn Plon gemachd un denn will isch eisehart durschziehe. Egal obs stürmt, schneid oder Bindfäde regent.

Un weil ma korz vor Silveschter sinn, lege isch mid moine gude Vorsätze noch ähns owwedruff:

Isch will bis Bärlin noch 5 Kilo abnemme. Um des hizukrigge muss isch uff Bier un Alkohol verzischde.

Alder Schlabbe, des werd hard.

Eier Marathon-Heuner

88 habe ich bei einem Schnelldurchlauf gefunden.

Allein in Deutschland!

Aber warum diese Bündelung?

Die Veranstalter wissen offensichtlich was der Läufer wünscht!?

– „ Nur so als lockerer Schlussakt des Läuferjahres!“

– „ ….beschließt das Sportjahr.“

– „ Konfetti-Schneesturm in Trier“

– „ Erst laufen dann….. feiern.

– „Nochmal im alten Jahr etwas für die Gesundheit tun, und uns vornehmen, auch im neuen Jahr so fortzufahren!“

Also Rückblick und Ausblick?

Wir haben beschlossen spontan zu sein: Das Lauf-Alter-Lauf-Silvester-Team 2018 will sich noch nicht auf einen bestimmten Lauf festlegen.

Weil, es könnte ja regnen, die Straßen könnten vereist sein oder Schneeverwehungen oder Schneestürme verhindern ein verlassen der Häuser.

Also abwarten und Tee trinken und Plätzchen essen….

 

 

Peter

 

1. Wo Nikolaus drauf steht ist nicht immer Nikolaus drin!

Ich hatte geglaubt, dass Nikoläuse um mich herum sind. Leider sind nur ein Bruchteil der Läufer als Nikoläuse unterwegs gewesen, und dann nur so mit Mützen.

Ich habe mich von Berichten z.B. über den Nikolauslauf in Dillingen verleiten lassen. Oder auf St.Pauli. Ab was ist dort anders ?

Die Läufe dort wurden als Fun-Lauf angekündigt, geringe Laufkilometer und z. T. keine Zeitnahme. Das lockt die Spaßläufer an und ist für alle eine Gaudi.

Mit der Zeitnahme wird es zum Wettbewerb, also ein ganz anderer Charakter.

2. Mit einem Vollkostüm ist sehr schwer zu Laufen. Und bei meiner AK Ü 60 wird das zur Last. Kein Spaß.

3. Außerdem werde ich mir den Streckenplan und auch das Streckenprofil in Zukunft vorher genau ansehen!!! Wenn dann noch ungewohnte und reichlich Steigungen hinzukommen wird es zum Disaster……

4. Auch wenn er noch so herrlich duftet und der Frust groß ist. Nach einem Lauf ist Glühwein keine gute Idee….

Peter

Ward ihr schunne mol im Markdhaus? Des is was mid

secend händ, do konscht ginschtisch eukafe. Do gibt’s ah äh Kaffee, do hock isch misch ahmohl gern noi und probier alles mol dursch.

Letscht als isch wieder mol do war seh isch, dass es newe dra ah Bischer gibt.

Jetzd is lese ned moins, awwer gucksscht ähmol, hab isch ma gedenkt.

Isch war escht baff was die do fär äh Ogebot kappt hawwe, un alles super sortiert. Un des werd nach Gromm agerechelt.

Iwwer Laafe war do äh gonzie Lad Bischer. Un do iss ma des Buch vum Dieter Baumann unner die Finger kumme: „Laufen Sie mit!

Der war joh mol Olümpiasieger. Mir vum Stommdisch hawwe den immer de Zahnpaschda-Dieter gehäse. Der soll gedobt hawwe, un des soll in de Zahnpaschda gewese soi. Monn, Monn Monn hawwe mir uns domols des Maul fusselisch diskudiert, ob des iwwer haupt soi konn. Im Dobe, hod jeder gemähnt, kännt er miträdde weil mir uns joh ah ständisch dobe dete. Egal, der is domals gsperrt worre,

awwer er selwer hod immer gschwore er soi unschuldisch.

Isch habs ähm domols geglabt  dass er unschuldich issun deshalb hab isch des Buch ah midgenumme. 720 Gramm schwer, un 2,16 €, do konscht net mekkern.

Dehäm hab isch donn gsehe, dass des äh mol äh Gebortsdagsgschenk gewäse is, mid so ner ulkische Widmung: „Manchmal sind Ratschläge und Tipps gut, um zu wissen, dass man alles richtig macht!“

Des Buch war nagelnoi un des Geborddagskind hod wohl kä Tipps gebraucht.

Dofier isch um so dringender! Ihr werds net glawe, awwer isch hab des Buch vun vorne bis hinne gelese, unn fleißisch unerstrische. Jetzd is es ah mol gebraucht, jetzd muss isch nur noch alles rischtisch mache.

Dem Zahnpaschada-Dieter soi Credo is: Lange Läufe, der lockere Dauerlauf ist ideal.

Äh gudi Ausdauer soll de Schlissel fär jedes weidere Vorhabe soi.

Der hod dann so Pläne abgedruckt un hinne im Falss war donn noch so äh Lauftagebuch gstogge. Unbenutzd ibrigens.

Do mach isch misch jetzd driwwer. Bis Bärlin zum HM sins noch 4 Monad, awwer selbscht zum nur Ohkumme soll ma 3 mol die Woch laafe, mindeschtens, un ähmol dofu ähn longer Lauf. Denn hod der Dieter immer Sundags eugedrage. Des gehd bei mir ganett. Do geh isch mit de Kumpels meischdens in die Palz. Do du mer äh bissl wannere und fleisisch eukehre…..

Eier Marathon-Heuner

Sack Zemend hab isch noch Hoggene ähn Muskelkader kabd!

 

Isch hab donn nochgedachd – Heuner du bischt äh leischtsinniges Hinkel.

Als ma nämlisch korz vorm Ziel bald die Ache rausgfalle sinn, häd jo grad in moim Alder, un isch bin jo ah ned de schlankeschde, was passiere känne. Härz, Kreislauf un so weider. Donn is ma ähn Artikel eugfalle, do wo glei zwe Marathoni uff de Zielgerade zusamme geklappt sinn und donn gstorbe sinn.

 

Mir is donn de Asch uff Grundeis gonge.

 

Isch hab misch endschlosse, des häd isch schunn längscht mache solle, misch mol vum Ardzd durschchecke zu losse.

 

Isch bin donn zu moim Hausartscht, dä Siggi, denn känn isch vun frieher, un habm verzehlt was isch vorhab. Der hod dann schunn iwwer alle vier Bagge gegrinst un

hod bloß gemähnt: das wird aber Zeit dass du mal vorbeischaust.

 

Isch gebs jo zu, isch un die Kurpfuscher des is wie Feier un Wasser. Un freiwillisch sieht misch kähner.

 

Awwer de Siggi hod gemähnd, das bei mir alles klor soi, isch misst jedzd nur noch zu ähm Urologe, weil beim Laafe ah die Geschlechtsdeile belastet wärre, des is harmlos un äh Affär vunn äh paar Minude, mähnt er.

 

Der Sack, der hod misch neugelegt. Der hod misch zur Proschdada-Vorsorge gschickt, weil er gewisst hod, dass isch freiwillisch niemals higonge wär.

 

Isch sitzt donn im Wardezimmer un hab misch schun gewunnert warum isch so schnell ähn Tärmin kriegt hab. Owwacht, jedzd kummts:

„Kommen Sie bitte mit, die Frau Doktor wartet schon auf Sie!“

Schock!! Äh Urologin! Isch war sischer dass es dess gar net gibt.

 

Monn war mir des poinlisch. Die war noch gar ned ald un hod ziemlisch gud ausgsehe.

Ob isch Probläme beim, ihr wisst schon, häd und wies beim „Wasser lassen“ wäre usw.

Isch hab gonz schnell gsacht, dass alles super wär, nur wenn isch mehr als drei Flasche Bier owens intus häd, mist isch die ganz Nacht uffs Klo.

 

Do hod se nur geniggt un gemähnt, des soi normal.

 

„Jetzt legen Sie sich bitte auf die Seite, damit ich Ihre Prostata abtasten kann…,

dass könnte etwas Unangenehm werden.“

 

Des hod ma donn Angscht gemacht un isch hab misch verkrampft.

Vunn wege harmlos un in äh paar Minude vorbei.

Wenn isch den Siggi treff verschlag isch dem de Frack!

 

Isch erspar eisch die Details wo se mer iwweral hi un neugelangt hod.

 

Wenn ihrs awwer genau wisse wolld misst er zum Stommtisch kumme.

Mir treffe uns jeden Midwoch im Rebsteckl un do wärr isch die Schtorri zum Beschde gewäh.

 

Die Proschdada is ah ok un jedzd fahre ma nohch Bärlin!

 

Eier Marathon-Heuner